დღეს ქუთაისის დავით აღმაშენებლის სახელობის საერთაშორისო აეროპორტში  თავისუფალი ვაჭრობის ახალი პუნქტი „ATU Duty Free“ ოფიციალურად  გაიხსნა.
თბილისისა და ბათუმის საერთაშორისო

აეროპორტების შემდეგ ATU Duty Free-ს სერვისით ქუთაისის საერთაშორისო აეროპორტიც ისარგებლებს. ამას გარდა, ATU Duty Free საერთაშორისო მასშტაბით  11 ქალაქში ფუნქციონირებს.  ახალი მაღაზიების მშენებლობის პროცესი 2013 წლის დეკემბერში დაიწყო და მის დასრულებას 1 თვეზე ნაკლები დასჭირდა. თავისუფალი ვაჭრობის პუნქტებში წარმოდგენილი იქნება 700 მდე სახეობის სხვადასხვა საერთაშორისო ბრენდის პროდუქცია, მათ შორის ქართული ღვინოები და აზიური ტკბილეულობა. დღეიდან  ქუთაისის საერთაშორისო აეროპორტის მგზავრებს შესაძლებლობა ექნებათ მოგზაურობისას ხელსაყრელ ფასად ისიამოვნონ საცალო ვაჭრობის ექსკლუზიური ხარისხით.

გახსნის ცერემონიას  საქართველოს აეროპორტების გაერთიანების დირექტორი ქ-ნი ქეთევან ალექსიძე, „ATU Duty Free“ -ს წარმოადგენლები, ქუთაისის მერი, იმერეთის გუბერნატორის მოადგილე და კომპანიების წარმომადგენლები დაესწრნენ.

“ATU Duty Free”-ის შესახებ
“ATU DUTY FREE” 1999 წელს TAV Airports Holding-ისა და Unifree Duty Free / Gebr. Heinemann-ის ერთობლივი წამოწყების შედეგად დაარსდა და დღეს ის უკვე მსოფლიოს წამყვან აეროპორტებში ფუნქციონირებს. “ATU DUTY FREE” ერთერთი პიონერია თავისუფალი ვაჭრობის სფეროში მოღვაწეთაგან, რომელიც მსოფლიოს მასშტაბით 5 ქვეყანაში, შესაბამისად 11 აეროპორტში არსებულ 15,000 კვადრატულ მეტრზე განთავსებულ  66 მაღაზიას ფლობს. 2006 წელს ATU DUTY FREE-იმ პირველი მაღაზიები გახსნა თბილისისა და ბათუმის აეროპორტებშიც. ქართული ღვინის მაღაზია “Wines of Georgia”, რომელიც თბილისის აეროპორტში მდებარეობს, 2012 წელს ოქროს ბრენდის ჯილდოს მფლობელი გახდა ქართული ღვინოების პოპულარიზაციისა და კულტურის  განვითარებისათვის. ამავე წელს ბათუმში სოკარის ბენზინ გასამართ სადგურზე ATU-ს  დიპლომატიური თავისუფალი ვაჭრობის ობიექტი გაიხსნა.