სამეთვალყურეო საბჭო

საქართველოს აეროპორტების გაერთიანების სამეთვალყურეო საბჭოს წევრი. აღნიშნულ პერიოდამდე ბატონი მიხეილი იკავებდა სსიპ შემოსავლების სამსახურის უფროსის პოზიციას. საჯარო სექტორის გამოცდილების გარდა, მას ეკავა მენეჯერული პოზიციები, კერძოდ ეკავა დირექტორის პოზიციები კომპანიებში ანალიტიკოსთა და მეცნიერთა დარბაზი „დოქტრინა“, შპს „კაპიტალის კვლევითი ცენტრი“ და შპს „ჯორჯიან ბიზნეს ვიკი“. გარდა ამისა, ბატონი მიხეილს, საკონსულტაციო კომპანიებსა და უნივერსიტეტებში, აქვს კონსულტანტად, მკვლევარად და ლექტორად მუშაობის გამოცდილება. მას მოპოვებული აქვს ივანე ჯავახიშვილის ბაკალავრისა და მაგისტრის ხარისხები ეკონომიკის მიმართულებით.

2021 წლიდან საქართველოს ეკონომიკისა და მდგრადი განვითარების მინისტრის მოადგილე; ამავე პერიოდიდან ასევე იკავებს შპს საქართველოს აეროპორტების გაერთიანების სამეთვალყურეო საბჭოს თავჯდომარის პოზიციას. 2021 წლამდე ქალბატონი მარიამი იყო საქართველოს პარტალემენტისა და სხვადასხვა კომიტეტების წევრი. იგი ასევე იკავებდა სსიპ საქართველოს ტურიზმის ეროვნული ადმინისტრაციის ხელმძღვანელის მოადგილისა და შემდგომ ხელმძღვანელის პოზიციას. გარდა საჯარო სექტორის მრავალფეროვანი გამოცდილებისა, იგი ასევე 5 წლის განმავლობაში იკავებდა ტუროპერატორი კომპანიის „ვოიაჟერის“ გენერალური დირექტორის/ავიაკომპანის Flydubai-ის საქართველოში რეგიონალური მენეჯერის პოზიციას. ასევე იყო „აჭარა ჯგუფის“ ხელმძღვანელის მოადგილე ადამიანური რესურსების მართვის მიმართულებით. ქალბატონ მარიამს მოპოვებული აქვს შავი ზღვის უნივერსიტეტის, ბიზნეს ადმინისტრირების ბაკალავრის ხარისხი მარკეტინგის მიმართულებით. ასევე გავლილი აქვს ბერკლის უნივერსიტეტის (კალიფორნია, აშშ) ბიზნეს ადმინისტრირების მოკლევადიანი კურსი და ფლობს თავისუფალი უნივერსიტეტის ბიზნეს სკოლის (ESM) მაგისტრის ხარისხს.

2019 წლიდან შინაგან საქმეთა სამინისტროს მინისტრის მოადგილე. ბატონ გიორგის აქვს საჯარო სექტორში მუშაობის მრავალფეროვანი გამოცდილება. კერძოდ, ის იკავებდა საქართველოს დაზვერვის სამსახურის უფროსის მოადგილის, თავდაცვის მინისტრის მოადგილის, სსიპ „გადაუდებელი სამედიცინო დახმარების ცენტრის“ დირექტორი მოადგილის, საქართველოს შპს მცხეთა-მთიანეთის შს სამხარეო მთავარი სამმართველოს, მცხეთის მს რაიონული სამმართველოს უფროსის პოზიციებს. ასევე აღსანიშნავია შიდა აუდიტის გამოცდილება, ბატონი გიორგი იყო საქართველოს შრომის, ჯანმრთელობისა და სოციალური დაცვის სამინისტროს შიდა აუდიტის დეპარტამენტის უფროსი. მას მოპოვებული აქვს საქართველოს სახელმწიფო უშიშროების სამინისტროს აკადემიის სამართალმცოდნეობის, მაგისტრთან გათანაბრებული ხარისხი.

2024 წლიდან საქართველოს თავდაცვის მინისტრის მოადგილე. Ბატონი სერგო ფლობს მრავალწლიანი გამოცდილებას საჯარო სექტორში. Კერძოდ, ის იკავებდა საქართველოს სახელმწიფო უსაფრთხოების სამსახურის ეკონომიკური დეპარტამენტის დირექტორის, საქართველოს შინაგან საქმეთა სამინისტროს საფინანსო-სამეურნეო დეპარტამენტის მატერიალურ-ტექნიკური უზრუნველყოფის მთავარი სამმართველოს უფროსის, საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის საფინანსო-სამეურნეო უზრუნველყოფის მთავარი სამმართველოს სამეურნეო-უზრუნველყოფისა და მატერიალური რესურსების მართვის სამმართველოს უფროსია და საქართველოს სახელმწიფო დაცვის სპეციალური სამსახურის სამეურნეო სამმართველოს განყოფილების უფროსის პოზიციებს. Ბატონმა სერგომ დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ბიზნესის უმაღლესი სკოლა და საქართველოს ტექნიკური უნივერსიტეტი, სამრეწველო და სამოქალაქო მშენებლობის სპეციალობით და მინიჭებული აქვს ინჟინერ-მშენებლის კვალიფიკაცია;

2018 წლიდან საქართველოს რეგიონული განვითარებისა და ინფრასტრუქტურის მინისტრის პირველი მოადგილე. მას აქვს საჯარო და კერძო სექტორში მუშაობის მრავალწლიანი გამოცდილება. კარიერის ადრეულ ეტაპზე ის იკავებდა სიღნაღის მუნიციპალიტეტის გამგებლის მრჩევლის პოზიციას სამედიცინო საკითხებში, ასევე საქართველოს მთავრობის ადმინისტრაციაში, ადმინისტრაციული დეპარტამენტის უფროსის მოადგილის პოზიციას და შემდგომ ადმინისტრაციული მართვის დეპარტამენტის უფროსის თანამდებობას. კერძო სექტორში მუშაობისას, ის იკავებდა მმართველ პოზიციებს დისტრიბუციის, სერვისის ლოჯისტიკისა და შესყიდვების მიმართულებით. ასევე იკავებდა დირექტორის პოზიციას ისეთ კომპანიებში როგორებიცაა თეგეტა მოტორსი, PSP ჯგუფი, CU Pharma. ბატონმა ბეგიაშვილმა დაამთავრა ქ. თბილისის ოჯახის ექიმის სამედიცინო ინსტიტუტი და მინიჭებული აქვს ექიმის კვალიფიკაცია.